ਨਵੀਂ ਦਿੱਲੀ: ਸੈਕੰਡਰੀ ਸਿੱਖਿਆ ਬੋਰਡ (CBSE) ਨੇ 12 ਵੀਂ ਕਲਾਸ ਦੇ ਨਿੱਜੀ / ਕੰਪਾਰਟਮੈਂਟ / ਪੱਤਰ ਵਿਹਾਰ ਵਾਲੇ ਵਿਦਿਆਰਥੀਆਂ ਲਈ ਪ੍ਰੀਖਿਆ ਦੀਆਂ ਤਰੀਕਾਂ ਜਾਰੀ ਕੀਤੀਆਂ ਹਨ। ਸੀਬੀਐਸਈ ਨੇ ਇਸ ਸਬੰਧ ਵਿੱਚ ਇੱਕ ਪ੍ਰੈਸ ਬਿਆਨ ਜਾਰੀ ਕੀਤਾ। ਸੀਬੀਐਸਈ ਨੇ ਦੱਸਿਆ ਕਿ 12 ਵੀਂ ਪ੍ਰਾਈਵੇਟ / ਕੰਪਾਰਟਮੈਂਟ / ਪੱਤਰ ਵਿਹਾਰ ਵਾਲੇ ਵਿਦਿਆਰਥੀਆਂ ਲਈ ਪ੍ਰੀਖਿਆਵਾਂ 16 ਅਗਸਤ 2021 ਤੋਂ 15 ਸਤੰਬਰ 2021 ਤੱਕ ਲਈਆਂ ਜਾਣਗੀਆਂ।

ਸੀਬੀਐਸਈ ਨੇ ਕਿਹਾ ਕਿ ਇਨ੍ਹਾਂ ਵਿਦਿਆਰਥੀਆਂ ਦਾ ਨਤੀਜਾ ਮੁਲਾਂਕਣ ਨੀਤੀ ਮੁਾਤਬਕ ਤਿਆਰ ਨਹੀਂ ਕੀਤਾ ਜਾ ਸਕਦਾ ਕਿਉਂਕਿ ਬੋਰਡ ਜਾਂ ਸਕੂਲ ਕੋਲ ਲੋੜੀਂਦੇ ਰਿਕਾਰਡ ਨਹੀਂ ਹਨ। ਸੀਬੀਐਸਈ ਨੇ ਕਿਹਾ ਕਿ ਪ੍ਰਾਈਵੇਟ ਵਿਦਿਆਰਥੀਆਂ ਦੇ ਕੇਸ ਦੀ ਸੁਪਰੀਮ ਕੋਰਟ ਵਿੱਚ ਸੁਣਵਾਈ ਹੋਈ ਅਤੇ ਉਸ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ ਕਿ ਪ੍ਰਾਈਵੇਟ ਵਿਦਿਆਰਥੀਆਂ ਦਾ ਨਤੀਜਾ ਲਿਖਤੀ ਪ੍ਰੀਖਿਆ ਦੇ ਅਧਾਰ ’ਤੇ ਤਿਆਰ ਕੀਤਾ ਜਾਵੇਗਾ। ਸੀਬੀਐਸਈ ਦੀ ਇਹ ਕੋਸ਼ਿਸ਼ ਹੋਵੇਗੀ ਕਿ ਵਿਦਿਆਰਥੀਆਂ ਦੇ ਨਤੀਜੇ ਘੱਟ ਤੋਂ ਘੱਟ ਸਮੇਂ ਵਿੱਚ ਜਾਰੀ ਕੀਤੇ ਜਾਣ ਤਾਂ ਜੋ ਵਿਦਿਆਰਥੀਆਂ ਨੂੰ ਉੱਚ ਸਿੱਖਿਆ ਲਈ ਦਾਖਲੇ ਵਿੱਚ ਕੋਈ ਮੁਸ਼ਕਲ ਪੇਸ਼ ਨਾ ਆਵੇ।


ਇੰਨਾ ਹੀ ਨਹੀਂ ਸੀਬੀਐਸਈ ਨੇ ਕਿਹਾ ਕਿ ਯੂਜੀਸੀ ਅਤੇ ਬੋਰਡ ਵਿਦਿਆਰਥੀਆਂ ਦੇ ਹਿੱਤਾਂ ਨੂੰ ਧਿਆਨ ਵਿੱਚ ਰੱਖ ਰਹੇ ਹਨ। ਯੂਜੀਸੀ ਵਿਦਿਆਰਥੀਆਂ ਦੇ ਨਤੀਜੇ ਮੁਤਾਬਕ ਤਿਆਰ ਕੀਤੇ ਦਾਖਲੇ ਦੇ ਕਾਰਜਕ੍ਰਮ ਦਾ ਪ੍ਰਬੰਧਨ ਕਰੇਗਾ, ਜਿਵੇਂ ਕਿ ਪਿਛਲੇ ਸਾਲ ਕੀਤਾ ਗਿਆ ਸੀ।

12ਵੀਂ ਦੇ ਨਤੀਜਿਆਂ ਬਾਰੇ ਅਹਿਮ ਜਾਣਕਾਰੀ

ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ ਨੇ 12ਵੀਂ ਜਮਾਤ ਦੇ ਨਤੀਜੇ ਦੇ ਅੰਤਮ ਰੂਪ ਦੀ ਆਖਰੀ ਤਰੀਕ 22 ਜੁਲਾਈ ਤੋਂ 25 ਜੁਲਾਈ (ਸ਼ਾਮ 5 ਵਜੇ) ਤੱਕ ਵਧਾ ਦਿੱਤੀ ਹੈ। ਸੀਬੀਐਸਈ ਨੇ ਆਪਣੇ ਨੋਟਿਸ ਵਿਚ ਕਿਹਾ ਹੈ ਕਿ ਸਕੂਲ ਆਪਣੀ ਪੂਰੀ ਸਮਰੱਥਾ ਨਾਲ ਅੰਕੜਿਆਂ ਨੂੰ ਅੰਤਮ ਰੂਪ ਦੇਣ ਲਈ ਕੰਮ ਕਰ ਰਹੇ ਹਨ, ਪਰ ਆਖਰੀ ਤਾਰੀਖ ਦੇ ਨੇੜੇ ਹੋਣ ਕਾਰਨ ਅਧਿਆਪਕ ਦਬਾਅ ਹੇਠ ਗ਼ਲਤੀਆਂ ਕਰ ਰਹੇ ਹਨ ਅਤੇ ਫਿਰ ਸੀਬੀਐਸਈ ਨੂੰ ਉਨ੍ਹਾਂ ਨੂੰ ਸਹੀ ਕਰਾਉਣ ਲਈ ਬੇਨਤੀ ਕਰ ਰਹੇ ਹਨ।

ਅਜਿਹੀ ਸਥਿਤੀ ਵਿੱਚ ਸੀਬੀਐਸਈ ਨੇ ਫੈਸਲਾ ਲਿਆ ਹੈ ਕਿ ਨਤੀਜੇ ਨੂੰ ਅੰਤਮ ਰੂਪ ਦੇਣ ਦੀ ਆਖਰੀ ਤਰੀਕ ਨੂੰ 22 ਜੁਲਾਈ ਤੋਂ 25 ਜੁਲਾਈ, 2021 (ਸ਼ਾਮ 5 ਵਜੇ) ਤੱਕ ਵਧਾ ਦਿੱਤਾ ਗਿਆ ਹੈ। ਸਕੂਲਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਆਪਣਾ ਕੰਮ ਜਾਰੀ ਰੱਖਣ ਅਤੇ ਜੇ ਕਿਸੇ ਸਕੂਲ ਦਾ ਕੰਮ ਪੂਰਾ ਨਾ ਹੋਇਆ ਤਾਂ ਉਸ ਸਕੂਲ ਦਾ ਨਤੀਜਾ ਵੱਖਰੇ ਤੌਰ ਤੇ ਜਾਰੀ ਕੀਤਾ ਜਾਵੇਗਾ।

ਇਹ ਵੀ ਪੜ੍ਹੋ: ‘ਜੱਟ ਦੀ ਜੂਨ ਬੂਰੀ’,,, ਕਦੇ ਸੋਕੇ ਦੀ ਮਾਰ ਤਾਂ ਕਦੇ ਪਾਣੀ ਦੀ ਬਹੁਤਾਤ ਨਾਲ ਪ੍ਰੇਸ਼ਾਨ ਕਿਸਾਨਾਂ ਨੇ ਦਿੱਤੀ ਵੋਟਾਂ ਦੇ ਬਾਈਕਾਟ ਦੀ ਚੇਤਾਵਨੀ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904

Education Loan Information:
Calculate Education Loan EMI

LEAVE A REPLY

Please enter your comment!
Please enter your name here